Бахшида ба “Соли ҷавонон” Завқизода Солеҳ, директори Маркази таълимии судяҳои Суди олии кишвар, Умед Давлатов, масъули Маркази тадқиқоти стратегии назди Президенти кишвар ва Файззода Исмоил, раиси Федератсияи иттифоқи касабаи мустақили ҷумҳурӣ бо ҷавонони ноҳияи Шуғнон мулоқот намуданд.

Ба гуфтаи Аҳмадулло Мамадбунаев, мудири Бахши кор бо ҷавонон ва варзиши ноҳия, масъулин зимни мулоқот бо ҷавонони ҷамоатҳои деҳотии “Ғарибшоҳ Шаҳбозов”, “Мирзоҷон Ширинҷонов”, “Навобод”, “Сучон” ва “Поршинев” оид ба гиромидошти Истиқлолияту Ваҳдат, риояи Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, ҳифзи арзишҳои миллӣ ва дигар мавзӯҳои муҳим суханронӣ намуданд.

Машҳур ИМОМНАЗАРОВ, “ҶТ”