22 июн дар ноҳияи Тоҷикобод ба муносибати 20-солагии Рӯзи Ваҳдати миллӣ ва “Соли ҷавонон” дар мавзӯи “Ваҳдати миллӣ неъмати бузург аст”, конфронси илмӣ-амалӣ доир гардид, ки дар он намояндагони мақомоти ҷумҳуриявӣ ва маҳаллии ноҳия иштирок ва суханронӣ намуданд.

Амир Иброҳимов, намояндаи Кумитаи кор бо ҷавонон ва варзиш иброз дошт, ки Ваҳдати миллӣ барои ҳамагон асоси ифтихороти ватандорӣ мебошад. Аз ин рӯ, кору пайкор, ҳар иқдому нияти неки ҷавонон баҳри таҳкими он равона шудааст.

Таъкид гардид, ҳар фард, аз ҷумла ҷавонон бояд бо шукргузорӣ аз сулҳу субот ва оромиву осудагии кишвар, ҳамеша барои таҳкими Ваҳдати миллӣ, тақвияти пояҳои давлатдории миллӣ ва вусати раванди бунёдкориву созандагӣ саъю талош намоянд.