Ба муносибати 20–солагии Ваҳдати миллӣ ва “Соли ҷавонон” дар ҷамоати деҳоти Сағирдашти ноҳияи Дарвоз мусобиқаҳои варзишӣ аз рӯйи футбол ва варзиши сабук (давидан ба масофаи 1000 метр) баргузор гардид.

Мусобиқаи футбол миёни 8 даста аз ҳисоби ноҳия баргузор гардид, ки дар даври ниҳоӣ дастаи “Сағирдашт” бар тими “Саидон” бо ҳисоби 3:1 ғолиб омада, ҷои аввалро ишғол намуд.

Барои гирифтани ҷойи сеюм тимҳои “Чохкак” ва “Камчак” талош карданд, ки дар натиҷа дастаи “Чохкак” бо ҳисоби 1:0 рақибашро шикаст дода, ғолиби ҷойи сеюм шуд.

Мусобиқаи давидан, ки бо иштироки зиёда аз 105 нафар ҷавонону варзишгарони ноҳия ташкил гардид, дар он қариб ҳамаи ширкаткунандагон маҳорати баланди варзишӣ нишон доданд.

Ғолибони мусобиқа ва ҷавононе, ки давоми чанд рӯз дар доираи Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016 – 2018 дар ноҳия аксияи “Ҷавонон бар зидди касалиҳои ВИЧ СПИД” гузарониданд, аз тарафи Бахши кор бо ҷавонон ва варзиши Дарвоз бо тӯҳфа, лавозимоти варзишӣ, маводи гигиенӣ ва ифтихорномаҳо қадрдонӣ гардиданд.

Машҳур ИМОМНАЗАРОВ, “ҶТ”