Дар мусобиқаи кушоди ноҳиявии баскетбол, ки чанде пеш дар Муассисаи таҳсилоти миёнаи умумии № 21-и ноҳияи Ишкошим доир гардид, ҷойи аввалро дастаи “Рушд” гирифт.

Дар мусобиқаи мазкур 8 дастаи ноҳияи Ишкошим ва дигар дастаҳои ихтиёрӣ аз ҳисоби ҷавонони ВМКБ байни ҳам рақобат намуданд.

Ба гуфтаи масъулини Бахши кор бо ҷавонон ва варзиши ноҳия мусобиқа дар сатҳи баланд баргузор гардид ва дар он дастаи “Маркази ноҳия” ҷойи дуюм ва дастаи “Гулбек”–и Ринди Ишкошим ҷои сеюмро ишғол намуд.

Ғолибон аз тарафи Бахши кор бо ҷавонон ва варзиш бо ифтихорнома ва мукофотҳои пулӣ қадрдонӣ гардиданд.

Машҳур ИМОМНАЗАРОВ, “ҶТ”