Бахшида ба “Соли ҷавонон” ва Рӯзи Ваҳдати миллӣ дар ноҳияи Рӯшон мусобиқаҳои варзишӣ аз рӯйи баскетбол ва арғамчинкашӣ доир гардид.

Мусобиқаи баскетбол байни 8 дастаи мардонаву занона баргузор шуда, дастаҳо танҳо барои гирифтани ҷойи аввалу дуюм рақобат намуданд.

Дар даври ниҳоии бозӣ аз байни дастаҳои мардона дастаи “Рӯшон – 1” бар дастаи “Рӯшон – 2” бо ҳисоби умумии 50 : 45 ғолиб омада, мақоми ишғол кард.

Аз миёни дастаҳои занона дастаи “Дерзуд” рақибаш дастаи “Рӯшон” - ро бо хисоби 25 : 21 шикаст дода, зинаи аввалро касб намуд.
Дар мусобиқаи арғамчинкашӣ, ки байни кормандони сохторҳои қудратӣ ва ҷавонмардони махаллӣ доир гашт, ҷои якумро дастаи “Вомар” гирифт. Ҷойи дуюм бошад насиби дастаи “Рушон – 1” шуда, тими “ШВКД” ҷойи сеюмро ишғол намуд.

Ғолибон аз тарафи Мақомоти иҷроияи маҳаллии ҳокимияти давлатӣ ва Бахши кор бо ҷавонон ва варзиши ноҳия бо ифтихорномаву мукофоти пулӣ қадрдонӣ шуданд.

Машҳур ИМОМНАЗАРОВ, “ҶТ”