Бо ибтикори бхши кор бо ҷавонон ва варзиши шаҳри Қӯрғонтеппа ба хотири хушу пурмазмун гузаштани таътили тобистонаи наврасон байни хонандагони мактабҳои шаҳр мусобиқаи «Тӯби чармин – 2017» -ро роҳандозӣ намуданд.

Дар он 12 – дастаи наврасони шаҳр, соли таваллудашон ‎2002 - 2003 иштирок намуда, баҳри муайян кардани дастаи беҳтарини шаҳр байни ҳам қувваозмоӣ мекунанд.

Ашӯр Гадоев, сардовари мусобиқа, гуфт, ки чунин мусобиқа байни футболбозони навраси соли таваллудашон ‎2004-2005 дар шаҳр чанде пеш ҷамъбаст гардид.

Наврасони дастаҳои футболи маҳаллаҳои «Борбад», «Дӯстии халқҳо» ва «Гулистон» мутобиқан се ҷойи аввалро ишғол карда, ба дарёфти нишони ғолибият, ҷом ва дипломи мусобиқаи «Тӯби чармин–2017» шарафёб шуданд.

Ҳамчуни дар рафти бозиҳо  5 нафар бозингарони беҳтарин бо  мукофот қадрдонӣ шуданд. 

Умед Мирзоев, “ҶТ”