Бо ташаббуси ҷавонони ноҳияи Мурғоб дар ҷамоати деҳоти Бердибаеви ноҳияи мазкур толори муосири варзишӣ бунёд мегардад.

Дар ин бора Жанпулот Қамчибеков, мудири Бахши кор бо ҷавонон ва варзиши ноҳияи Мурғоб иттилоъ дода гуфт, ки масоҳати умумии толори мазкур 288 метри мураббаъро ташкил дода, он асосан барои бозиҳои волейбол, баскетбол ва футбол пешбинӣ шудааст.

Толори мазкур ба ифтихори “Соли ҷавонон” бунёд гардида, айни ҳол марҳилаи аввал ва дуюми корҳои сохтмонӣ дар он ба анҷом расиданд.
  
Барои сохтмони толор аз ҷониби ҷавонони ҷамоати деҳоти Бердибаев, Мақомоти иҷроияи маҳаллии ҳокимияти давлатии Мурғоб ва Бахши кор бо ҷавонон ва варзиши ноҳия  беш аз 150 ҳазор сомонӣ ҷудо гардида, дар назар аст, ки он дар арафаи ҷашни Истиқлолияти давлатӣ мавриди баҳрабардорӣ қарор гирад.

Машҳур ИМОМНАЗАРОВ, “ҶТ”