Зимни нишасти матбуотӣ раиси ноҳияи Файзобод Миралӣ Раҷабзода изҳор намуд, ки муддати шаш моҳи соли равон ба буҷаи ноҳия 18 миллиону 983 ҳазор сомонӣ маблағ ворид шуд, ки ин иҷрои нақшаро 99 фоиз таъмин мекунад. Ба масъалаи таълим дахл намуда, раиси ноҳия зикр намуд, ки ҳоло дар ҳудуди ноҳия 59 муассисаи таҳсилоти миёнаи умумӣ фаъолият намуда, 29 ҳазору 657 нафар хонандагон ба таълиму тарбия фаро гирифта шудаанд. Аммо раис нагуфт, ки имсол чанд нафар хатмкунандагон дар муассисаҳои гуногуни таълимӣ нияти идомаи таҳсилро доранд ва чанд нафари эшон мувофиқи квотаи президентӣ ба дохил хоҳанд шуд. Ҳамчунин, барои хабарнигорон норавшан монд, ки соли ҷорӣ, яъне дар Соли ҷавонон, ҷавонони файзободӣ дар кадом бунёдкориҳо саҳм доранд, аз худ чӣ гуна ташаббус нишон дода ва кадом корҳоро ба сомон расондаанд.

Ҳокими САФАР