Бо ташаббуси Бахши кор бо ҷавонон ва варзиши ноҳияи Ишкошим ва ташкилоти хайриявии “Ҷовид” дар ноҳияи мазкур барои бошандагони ҷамоату деҳот давоми ҳафт рӯз семинари омӯзишӣ гузаронида мешавад.

Ба иттилоъи Гулбек Ҳабибов, корманди Бахши кор бо ҷавонон ва варзиши ноҳия семинар таҳти унвони “Коҳиши ихтилофот ва низоъҳои иҷтимоӣ миёни ҳамаи табақаҳои ҷомеа” дар ҷамоатҳои деҳотии Аскар Замиров, Қозидеҳ, Рустамбек Юсуфбеков, Вранг, Питуп, Шитхарв ва Зонги Ишкошим гузаронида мешавад.

Ҳадаф аз баргузории он мусоидат намудан ба иттиҳоду ҳамдигарфаҳмӣ миёни ҳамаи табақаҳои ҷомеаи шаҳрвандӣ, эҳтиром гузоштан нисбати арзишхои умумибашарӣ, аз байн бурдани ихтилофоти иҷтимоиву оилавӣ ва даъвати ҷавонону наврасон ба беҳзистиву ҳамдилӣ мебошад.

Машҳур ИМОМНАЗАРОВ, “ҶТ”