Ба муносибати Рӯзи варзишгарон, 26–солагии Истиқлолияти давлатии Ҷумҳурии Тоҷикистон ва “Соли ҷавонон” дар мавзеи Барсеми ҷамоати деҳоти Сучони ноҳияи Шуғнон мусобиқаи футбол байни наврасон оғоз ёфт.

Ба гуфтаи Аҳмадулло Мамадбунаев, мудири Бахши кор бо ҷавонон ва варзиши ноҳия мусобиқа ҳамчунин ба хотири таҳкими робитаҳои дӯстона миёни ҳамаи наврасон ва рушди футбол ташкил гардида, дар он 6 даста миёни ҳам рақобат доранд.

Ғолибонро ифтихорнома ва тӯҳфаҳои арзанда интизор аст.

Машҳур ИМОМНАЗАРОВ, “ҶТ”