Бо ташаббуси Бахши кор бо ҷавонон ва варзиши ноҳияи Хуросон бахшида ба “Соли ҷавонон” дар толори варзишии МТМУ №1 мусобиқаи волейбол байни духтарон баргузор гашт.

Дар ин мусобиқа 8 даста аз муассисаҳои таълими ноҳия байни ҳам қувваозмоӣ карда, беҳтаринҳо ба даври ниҳоӣ роҳ ёфтанд.

Аз рӯйи натиҷаҳои охир варзишгарони МТМУ №9 сазовори ҷойи якум ва Ҷоми мусобиқа гаштанд. Мақоми дуюм насиби варзишгарони литсейи №1 гардид. Зинаи сеюмро бошад, ҷавондухтарони МТМУ №1 ишғол намуданд.

Дар фарҷоми мусобиқа дастаҳои ғолиб бо диплом ва туҳфаҳои хотиравӣ сарфароз гардиданд.

Умед МИРЗОЕВ, “ҶТ”