Чанде пеш дар толори Қасри фарҳанги ноҳияи Мир Сайид Алии Ҳамадонӣ оид ба шарҳу тавзеҳи Қонуни Ҷумҳурии Тоҷикистон «Дар бораи танзими анъана ва ҷашну маросимҳои мардумӣ дар Ҷумҳурии Тоҷикистон» ва дигар санадҳои меъёрии ҳуқуқӣ дар самти танзими анъана ва ҷашну маросимҳо вохӯрӣ доир гардид.

Дар вохӯрӣ муовини Тағоймуродзода Санифа ба иштирокдорон оид ба нақши Пешвои миллат дар қабули қонуни мазкур, зарурат ва омилҳои ворид намудани тағйиру иловаҳо, аҳамияти байналмилалии онҳо, танзими маросимҳои динӣ, тӯю маъракаҳо, маросимҳои азодорӣ, аз байн бурдани хурофотпарастӣ, назорат аз болои толибилмон барои бо мошин наомадан ба дарс сухан гуфтанд.

Зафархон Қиматов мудири бахши танзим анъана ва ҷашну маросимҳо дар Ҷумҳурии Тоҷикистон дар ноҳия зимни суханрониаш барои риояи талаботи қонуни танзим дар баргузории маросими ақиқа, хатнасур, кушодани суратҳисоб барои фарзандон, саховатмандӣ ба ятимон, ниёзмандон, пиронсолон, пос доштани арзишҳои миллӣ, хусусан ҳифз кардани забони давлатӣ ва либосҳои миллӣ, пешгирии омилҳои рў овардани занону бонувони тоҷик ба фарҳанги бегона, ба ҷавобгарӣ кашидани мансабдорон, намояндагони уламо, мақомоти ҳифзи ҳуқуқ ҳангоми роҳ додан ба вайрон намудани талаботи қонун ибрози ақида намуд.

Чунин вохӯриҳо дар ҷамоатҳои деҳоти «Меҳнатобод», «Панҷоб», ба номи С.Турдиев, «Панҷрӯд», «Чубек», «Қаҳрамон», «Даштигуло» бо раисони ҷамоатҳо, маҳаллаҳо, директорони мактабҳо, фаъолон ва сокинон доир гардиданд.



Умед МИРЗОЕВ, “ҶТ”