Ба ифтихори “Соли ҷавонон”, 26–солагии Истиқлолияти давлатии Ҷумҳурии Тоҷикистон ва баҳри ба даст овардани Ҷоми “Гулбек” дар мавзеи Рини ҷамоати Раҳмонбек Юсуфбекови ноҳияи Ишкошим бо иштироки 8 даста мусобиқаи футбол доир гардид.

Ба гуфтаи Гулбек Ҳабибов, сармутахассиси Бахши кор бо ҷавонон ва варзиши ноҳия, ҳадафи дигари роҳандозӣ гардидани мусобиқа ин рушди футбол байни ҷавонон, тақвият додани техникаву малакаи бозӣ, эҳтиром нисбати бозингару довар ва дастаҳои рақиб гузаронида шуд.

Дар бозии ниҳоӣ тими “Худориварӣ–2” соҳиби ҷои 1 ва Ҷоми “Гулбек” шуда, дастаи “Донишҷӯён” ҷои 2 ва тими “Худориварӣ–1” ҷои 3-юмро гирифтанд.

Ба ғолибон аз тарафи Бахш мукофотпулӣ тақдим гардид.

Машҳур ИМОМНАЗАРОВ, “ҶТ”