Бахшида ба “Соли ҷавонон” дар ноҳияи Дарвоз байни наврасони соли таваллуди 2002–2003 мусобиқаи фубол баргузор гардид.

Тавре Расулҷон Шокиров, мудири Бахши кор бо ҷавонон ва варзиши ноҳия иттилоъ дод, дар мусобиқа 8 даста аз ҳисоби мактабҳои таҳсилоти ҳамагонии ноҳия миёни ҳам рақобат намуда, тимҳои “МТМУ №1” ва “МТМУ №40” ба даври ниҳоӣ баромаданд. Аз рӯи натиҷаҳои даври охир дастаи “МТМУ №40” бо бартарии комил бар “МТМУ №1”, бо ҳисоби 4:1 ғалаба кард ва ҷои аввалро соҳиб шуд.

Ғолибон бо туҳфа ва ифтихорномаҳои Бахш қадрдонӣ гардиданд.

Машҳур ИМОМНАЗАРОВ, “ҶТ”