Дар доираи шарҳу татбиқи қонунҳои Ҷумҳурии Тоҷикистон миёни аҳолӣ, намояндагони Ҳукумати кишвар бо сокинони ҷамоатҳои деҳоти ноҳияи Ишкошим мулоқот анҷом доданд.

Зимни вохурӣ Саъдӣ Қосимӣ, директори муассисаҳои иловагии Вазорати маориф ва илми мамлакат, оид ба ворид гардидани тағйироту иловаҳо ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва Қонуни Ҷумҳурии Тоҷикистон “Дар бораи маориф” ба сокинон маълумоти зарурӣ дод. Ӯ гуфт, ки қонуни миллӣ таи чанд соли охир тавонист садди роҳи сарфакориҳои барзиёд шавад ва дар ин самт Ҳукумати мамлакат лозим донист онро боз ҳам тақвият диҳад.

Ҳамчунин, Илҳомҷон Ҳомидов, мудири Шуъбаи кор бо ҷавонони ҲХДТ, Гулбек Ҳабибов, сармутахассиси Бахши кор бо ҷавонон ва варзиши ноҳияи Ишкошим ва намояндагони сохторҳои қудратии кишвар баҳри фаҳмондани нуқтаҳои муҳими Қонуни Ҷумҳурии Тоҷикистон “Дар бораи кодекси ҳуқуқвайронкунии маъмурии Ҷумҳурии Тоҷикистон” ва дигар санадҳои меъёрӣ ба сокинон маълумот пешниҳод намуданд.
Сипас, байни гурӯҳи таблиғотӣ ва бошандагон табодули афкор сурат гирифт.

Машҳур ИМОМНАЗАРОВ, “ҶТ”