Ба ифтихори “Соли ҷавонон” ва Рӯзи Конститутсияи давлатӣ дар шаҳри Хоруғ мусобиқаи волейбол доир гардид, ки дар он 6 даста байни ҳам рақобат намуданд.

Тавре аз Бахши кор бо ҷавонон ва варзиши шаҳр хабар доданд, мусобиқа ҳамчунин, ба хотири рушди бозии волейбол байни ҷавонон, муайян кардани дастаи беҳтарин, ҳамдиливу эҳтиром нисбати ҳамдигар ва баровардани ҷавонон аз таъсироти муҳити кӯча ташкил шудааст.

Дар даври ниҳоии мусобиқа тими “Бархоруғ - 1” ҷои аввалро гирифта, дастаи беҳтарин дониста шуд. Тими “Хидҷ” бошад зинаи дуюмро ишғол намуд.

Ғолибон аз ҷониби Бахш бо медал, ифтихорнома ва тӯҳфаҳои хотиравӣ қадрдонӣ гардиданд.

Машҳур ИМОМНАЗАРОВ, “ҶТ”