Бо мақсади аз наздик шинос шудан бо шароиту зисти низомиён, кормандони Бахши кор бо ҷавонон ва варзиши шаҳри Хоруғ ва ҷавонони шаҳр бо сарбозону афсарони қисми ҳарбии 0410 - и Қӯшунҳои сарҳадии кишвар мулоқот намуданд.

Ба иттилои Имомёрбек Имомёрбеков, мудири Бахш, чунин вохӯрӣ ба хотири бедор кардани ҳисси меҳанпарастии ҷавонон, ҷалби онҳо ба хизмати ҳарбӣ, муқаддасу гиромӣ доштани ҳифзи Ватан–модар ва қадрдонии ҳайати шахсии сарбозону афсарон роҳандозӣ шудааст.

Барои хизмати софдилонаи шабонарӯзӣ, ҳифзи сарҳадоти кишвар ва бечуну чаро иҷро намудани хизмати Модар-Ватан, ба чанд тан аз сарбозон раҳматномаи Бахш тақдим гардид.

Машҳур ИМОМНАЗАРОВ, “ҶТ”