Сардори Раёсати Вазорати корҳои дохилӣ дар ВМКБ Искандарзода Абдулваҳоб Мансур ба муҳассилини Донишгоҳи давлатии Хоруғ (ДДХ) ба номи Моёншо Назаршоев беш аз 75 адад китобҳои гуногун тақдим кард.

Дар ин бора Ниёзалӣ Қамбаров, ноиби ректори Донишгоҳ оид ба тарбия иттилоъ дода гуфт, ки ин китобҳо адабиёти бадеӣ мебошанд ва ҳозир ҳамаи онҳо ба китобхонаи хобгоҳи донишҷӯёни ДДХ ворид гардиданд. Роҳбарияти Раёсати ВКД ният дорад, ки дар ояндаи наздик теъдоди бештари китобҳои зарурӣ ва дигар лавозимоти хонишро ба донишҷӯён дастрас намояд.

Бояд гуфт, иқдоми мазкур бо дархости донишҷӯёни ДДХ, ки чанде пеш зимни мулоқот бо роҳбарияти РВКД сурат гирифта буд, амалӣ гардид.

Машҳур ИМОМНАЗАРОВ, “ҶТ”