Чанде пеш дар шаҳри Қӯрғонтеппа дар давраи таътили зимистонаи мактаббачагон маросими туҳфасупорӣ ба фаъолони таэквандочиёни ВТФ доир гардид, ки дар он зиёда аз 100 нафар варзишгарон соҳиби туҳфаҳои хотиравӣ гардиданд.

Дар ифтитоҳи чорабинӣ аз ҷавонони варзишгар даъват ба амал оварда шуд, ки дар дӯстдоштани Ватан, саҳмгузорӣ дар корҳои бунёдкориву созандагӣ ва муаррифии кишвар дар арсаи байналмилалӣ саҳмгузор бошанд.
  
Инчунин беҳтарин варзишгарон, ки дар соли 2017 дастовардҳои назаррасро аз мусобиқаҳои байналмилалӣ ва ҷумҳуриявӣ соҳиб гардидаанд бо сипосномаҳои Раёсати кор бо ҷавонон ва варзиши вилояти Хатлон қадрдонӣ шуданд.

Дар фарҷом намоишҳои ҷолиби варзишӣ пешкаши иштирокчиён гардид.