“Кохи кино”-и ноҳияи Восеъ, ки чанд соли охир ба як бинои вайрона табдил ёфта буд, бо ташаббуси ҳукумати ноҳия дубора таъмир ва ба истифода дода шуд.

Ба иттилои масъулини мақомоти иҷроияи ҳокимияти давлатии ноҳия “Кохи кино” баъди бо пуррагӣ таъмир гардидан, ба номи яке аз рӯзноманигорони варзидаи Ҷумҳурӣ, Раҳим Рафеъзод, гузошта шуд.

Ба гуфтаи Дустмурод Ёрматов, директори “Корхонаи фаръӣ давлатии кино ва видео”-и ноҳия “Кохи кино”-и ҷамоати Мирзоалӣ Вайсов аз даврони шӯравӣ рӯи таъмирро надидаву ба гушаи фаромушӣ рафта буд. Он бо дастгири раиси ноҳия дубора ба фаъолият пардохт.
Ин макони фарҳангӣ дорои 125 ҷои нишаст буда, баъди пурра таъмир шудан  филми “Рӯстам ва Суҳроб” пешкаши дӯстдорони синамо гардид.

Исломи РАҶАБАЛӢ, ш. Кӯлоб