Бо назардошти Барномаи ислоҳоти соҳаи оби кишвар барои солҳои 2016-2025 дар ин самт бобати гузариш ба идоракунии ҳавзавии захираҳои об идома дошта, барои такмили қонунгузории соҳа лоиҳаи Кодекси оби Ҷумҳурии Тоҷикистон дар таҳрири нав ва якчанд қонунҳои дигар таҳия гардидаанд, ки мавриди омӯзиш дар идораю вазоратҳои марбута қарор доранд. Оиди ин масъала зимни нишасти матбуотӣ вазири энергетика ва захираҳои об Усмоналӣ Усмонзода маълумот дод.

- Вазорат дар самти ҷалби маблағҳо бо шарикони рушд ҳамкориро идома дода, айни замон дар самти захираҳои об 19 лоиҳа, дар ҳаҷми 329,4 миллион долларро дар амал татбиқ дорад, - гуфт вазир У. Усмонзода.

Вазир ба сулоҳои рӯзноманигорон посух дода, аз ҷумла овоза ва нигарониҳоро бобати бо сабаби камборишӣ шояд нарасидани об ба амал ояд, беасос номид.

- Ҳарчанд боришот дар давраи зимистони имсола кам ба назар расад ҳам, ин ба андозаи боришоти миёнаи солона қариб баробар аст, - изҳор намуд У. Усмонзода. – Пас ин вазъ ба норасоии об асос шуда наметавонад.

Т. ДАВЛАТ, «ҶТ»