Баҳри ба даст овардани Ҷоми маркази ҷавонони ВМКБ дар мавзеи Бароҷи ноҳияи Роштқалъа байни 12 даста мусобиқаи волейбол баргузор гардид.

Аз рӯи натиҷаҳои даври ниҳоӣ дастаи “Бароҷ” ҷойи аввалро гирифта, соҳиби Ҷом шуд. Зинаи дуюм насиби дасти “Видоҷ” ва тими “Шош” бошад, ҷойи сеюмро ишғол намуд.

Ғолибон аз тарафи Муассисаи давлатии маркази ҷавонони вилоят ва Бахши кор бо ҷавонон ва варзиши ноҳия бо Ҷом, медал ва ифтихорнома сарфароз гардиданд.

Беҳтарин бозингарони мусобиқа Айсо Имомёров ва Эраҷ Келдиев аз тимҳои “Бароҷ”-у “Видоҷ” дониста шуданд.

Машҳур ИМОМНАЗАРОВ, “ҶТ”