Дар Муассисаи давлатии “Маркази ҷавонони ВМКБ” байни хонандагони МТМУ – и ноҳияҳои Роштқалъаву Шуғнон озмуни “Меҳри модар” гузаронида шуд.

Озмун аз рӯи панҷ шарт саломнома, намоиши либоси миллӣ, ҳунару таомҳои миллӣ, суруди алла ва навохтани асбоби мусиқӣ доир гашт.

Ба гуфтаи яке аз ташаббускорони он Дидоршоҳ Насридинов толибилмони ҳар ду ноҳия шартҳои озмунро сарбаландона иҷро карда, маҳорати баланд нишон доданд.

Мувофиқи натиҷаҳои умумӣ хонандагони ноҳияи Роштқалъа бо 122 хол ҷойи аввалро ба даст оварда, толибилмони ноҳияи Шуғнон бошанд, бо 112 хол зинаи дуюмро ишғол намуданд.

Ба ғолибон аз тарафи Шуъбаи ҳуқуқи кӯдаки ВМКБ ва Муассисаи мазкур тӯҳфаҳои хотиравӣ тақдим шуд.

Машҳур ИМОМНАЗАРОВ, “ҶТ”