Раҳбарияти ноҳия Роштқалъа ҳафтае ду бор бо ҷавонони ҷамоату деҳоти ноҳия мулоқоти судманд дорад.

Дар ин бора Зӯҳро Муллоҳукматова, мудири Бахши кор бо ҷавонон ва варзиши ноҳия иттилоъ дода гуфт, ки дар вохӯриҳо ҳамчунин раисони ҷамоатҳо, муовинони раиси ноҳия ва дигар шахсони расмӣ иштирок намуда, мушкилоти ҷавонону проблемаҳои рӯзмарраи ноҳияро муҳокима мекунанд.

Ба гуфтаи мудири бахш самараи ин суҳбатҳо аст, ки аллакай ҷавонон ба корҳои созандагиву бундёдкорӣ, машғулиятҳои варзишӣ ва фаъолиятҳои писандидаи иҷтимоӣ ҷалб гардиданд.

Баҳри баргузории чорабиниҳои маърифативу варзишӣ ҷавонон ҳамзамон аз ҷониби мақомоти иҷроияи маҳаллии ҳокимияти давлатии ноҳия пайваста дастгирӣ меёбанд.

Машҳур ИМОМНАЗАРОВ, “ҶТ”