Машқҳои пагоҳирӯзӣ дар шаҳри Хоруғ бо ширкати 95 нафар кормандони мақомоти иҷроияи маҳаллии ҳокимияти давлатӣ ва ҷавонону ашхоси миёнсоли шаҳр баргузор шуданд.

- Ҳоло теъдоди зиёде аз сокинони Хоруғ ба машқу тамрини субҳгоҳӣ мароқ зоҳир намуда, итминон аст, ки аз ҳафтаи оянда фарогирии аҳолӣ бештар мегардад, - гуфт Имомёрбек Имомёрбеков, мудири Бахши кор бо ҷавонон ва варзиши шаҳр.

Ба гуфтаи мудири бахш чунин машғулиятҳо тибқи нақшаи чорабиниҳои Кумитаи кор бо ҷавонон ва варзиши мамлакат бо мақсади солимгардонии аҳолии кишвар роҳандозӣ гардида, минбаъд ҳар рӯзи шанбе гузаронида мешаванд.

Машҳур ИМОМНАЗАРОВ, “ҶТ”