Бори нахсуст зери садои шайпурҳои оркестри ҳарбӣ, дар ҳолати тантанавӣ наваскарони чор ноҳияи пойтахт барои хизмат дар сафҳои Артиши миллӣ ба хизмат гусел карда шуданд.

Гусели наваскарон ба даъвати баҳории имсола, дар майдони “800-солагии Маскав” сурат гирифт. Тавре котиби матбуотии шаҳрдории пойтахт Абдумаҷид Усмонзода иттилоъ дод, тасмими дар вазъи тантанавӣ гусел намудани наваскаронро раиси шаҳри Душанбе Рустами Эмомалӣ гирифтааст. Дар ин бора вай қарорро ба имзо расонд.

Барои гусел волидони наваскарон, намояндагони мақомоти иҷроияи ноҳияҳои шаҳр, ашхоси собиқадор ва ғайра даъват шуда, ба наваскарон барои хизмати содиқона комёбиҳо орзу намуданд.

Меҳрубон ИМОМОВА, “ҶТ”