Дар шаҳри Левакант бахшида ба ҷашни Наврӯз мусобиқаи ҷумҳуриявӣ аз рӯи намуди мототсиклронӣ баргузор гардид.

Дар он варзишгарони шаҳри Душанбе ҷойи аввал, шаҳри Левакант зинаи дуюм ва шаҳри Турсунзода мақоми сеюмро касб намуданд.

Дар даври мусобиқаи тиҷоратӣ варзишгарони шаҳри Левакант ҷойи якум ва намояндагони шаҳри Душанбе ҷойҳои дуюму сеюмро сазовор гардиданд. Варзишгарони Левакантӣ Қурбон Ҷӯраев ва Исмоил Шарифов дар мусобиқаи мототсиклронӣ аз рӯйи муҳарриқи иқтидораш 500 ва 250 мукааб ҷойҳои аввалро ишғол намуданд. Инчунин, аз рӯйи муҳаррики иқтидораш 125 мукааб Зоиршо Саидов барандаи ҷойи сеюм гардид.

Мусобиқаро 10 ҳазор дӯстдорони ин навъи варзиш тамошо карданд.

Фирӯз АБДУРАҲМОНОВ, “ҶТ”