Бо ташаббуси Бахши кор бо ҷавонон ва варзиши шаҳри Конибодом, 10 апрел, бо мақсади пешгирии ҷавонон аз амалҳои номатлуб ва ҷалби ҷавонони оворагард ба донишомӯзӣ аксияи иттилоотӣ таҳти унвони “Аз оворагардӣ ба донишомӯзӣ” баргузор гардид.

Дар аксия волонтёрон ба ҷавонону наврасон ва сокинони шаҳр маводҳои иттилоотию тарғиботӣ тақсим намуданд.

Аксияи мазкур аз рӯи принсипи “Ҳамсол ба ҳамсол” ҷараён гирифта, зиёда аз 300 маводҳои иттилоотӣ миёни сокинон тақсим карда шуданд.

 Шодмон НУРМАТОВ, “ҶТ”