Дар ҷамоати Вери ноҳияи Шуғнон байни 6 дастаи ҷавонон мусобиқаи волейбол баргузор шуд.

Аз рӯи натиҷаҳои даври охир тими “Чарсем” ҷои аввал гирифта, соҳиби ҷоизаи асосии бозӣ Ҷоми Шакарбеков гашт. Дастаҳои “Вер – 1” ва “Вер – 2” бошад зинаҳои дуюму сеюмро ишғол намуданд.

Мамадюсуф Асадбекзода, директори Маркази ҷавонони ҷамоат гуфт, ки мусобиқа бо ташаббуси марказ ба ифтихори Рӯзи ҷавонони кишвар ва гиромидошти хотираи волейболбози маъруфи ноҳия Ҳоким Шакарбеков доир шудааст.

Ғолибон аз тарафи марказ бо ҷом, медал, ифтихоронома ва мукофопулӣ сарафароз гардиданд.