Бахши кор бо ҷавонон ва варзиши ноҳияи Сангвор моҳи равон мулоқоту суҳбатҳои судмандро бо ҷавонону наврасон, хонандагони муассисаҳои таълимии деҳаҳои Ёзғандӣ, Шаҳринав, Лангар, Хур, Лоҷург, Руботи хубон ва Сари дашт доир намуд. Дар рафти мулоқотҳо дар мавзӯъҳои худшиносии миллӣ, риояи тартиботи ҷамъиятӣ, ҳифзи марзу буми кишвар, ҳимояи манфиатҳои ҷавонон суҳбатҳои судманд доир гардид.

Тавре мудири бахши кор бо ҷавонон ва варзиши ноҳия Хӯҷаалӣ Комилов иттилоъ дод, ҳамчунин баргузории машқҳои пагоҳирӯзӣ ба ҳукми анъана даромадааст. Наврасону духтарон, муҳассилини муассисаҳои таълимии маркази ноҳия ба ин чорабинии варзишию солимӣ бештар ҷалб мешаванд.

Меҳрубон ИМОМОВА, “ҶТ”