Бахшида ба Рӯзи ҷавонони Тоҷикистон, ки ҳамасола 23 май таҷлил мегардад, 16 май, миёни сарбозону афсарони қисми ҳарбии 0123-и Қушунҳои сарҳадӣ чорабинии тантанавии идона таҳти унвони “Ҷавонон пайрави Пешвои миллат” доир гардид.

Дар чорабинӣ Абдулвоҳид Мирзозода, роҳбарияти қисми ҳарбӣ, Кароматулло Мирзо, нависандаи халқии Тоҷикистон ва Сайфулло Мусоев, собиқадори соҳаи хизмати ҳарбӣ иштирок ва суханронӣ намуданд.

Зимни суханрониҳо масъулин атрофи таваҷҷуҳу дастгириҳои Пешвои муаззами миллат муҳтарам Эмомалӣ Раҳмон нисбат ба насли наврасу ҷавон, дастовардҳои даврони соҳибистиқлолии мамлакат, тарбияи ватандӯстӣ, худшиносии миллӣ ва хизмати содиқона ба халқу Ватан ибрози назар намуда, сарбозону афсаронро ба истиқболи Рӯзи ҷавонони Тоҷикистон шодбош гуфтанд.

Дар идомаи чорабинӣ ба як қатор сарбозон барои хизмати содиқонаву намунавӣ сипоснома ва туҳфаҳои хотиравӣ супорида шуда, сипас баҳри болидарӯҳии иштирокчиён аз ҷониби санъаткорони ҷавон барномаи хуби фарҳангӣ пешкаш гардид.