Тибқи нақшаи чорабиниҳо оид ба таҷлили Рӯзи ҷавонони Тоҷикистон дар вилояти Суғд таҳти унвони “Ҷавонон – пайрави Пешвои миллат” санаи 22 майи соли 2018 аз тарафи намояндагони Раёсати кор бо ҷавонон ва варзиш бо мақсади дидорбинӣ ва аҳволпурсии ҷавонони имконияташон маҳдуд, ятимони кулл, ҷавонони бемор ва ҷавонони камбизоат ба аёдат рафтанд.

Аёдати ин қишри ҷомеа дар арафаи Рӯзи ҷавонони Тоҷикистон аз иқдомоти арзандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба ҳисоб рафта, дар партави сиёсати оқилонаи Роҳбари давлат ҷавонон аз иқдомҳои наҷиби онҳо пайравӣ менамоянд.

Дар доираи ин дидорбинӣ намояндагони Раёсат аз ҳолу аҳволи қишри ҷомеа огоҳ гардида, ба онҳо кӯмаки яквақтаина ва туҳфаҳои хотиравӣ ҳадя намуданд.

Ҳамзамон, изҳор доштанд, ки ҷавонони кишвар ва умуман, ҳамаи қишри ҷомеа дар зери таваҷҷуҳи ҳамарӯзаи давлат ва Ҳукумати кишвар қарор доранд.