Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади пешгирии ҷавонону наврасон аз бемориҳои гуногуни сироятӣ субҳи имрӯз дар кӯчаҳои шаҳри Душанбе тренинги омӯзишии сайёр таҳти унвони “Худ ва наздиконатро эҳтиёт намо!” баргузор гардида истодаат.

Волонтёрон бо маводҳои иттиллоотӣ дар истгоҳҳои шаҳри Душанбе баромада, сокинони пойтахт, ҷавонону наврасонро вобаста ба хатарҳои бемориҳои сироятӣ корҳои фаҳмондадиҳӣ мегузаронанд.

Дар тренинги мазкур даҳҳо нафар сокинон, ҷавонону наврасон ва ҳатто меҳмонони хориҷӣ низ ширкат варзиданд. Мо намедонистем, ки чунин беморӣ ҳаст, ин бемории хатарнок будааст, зикр мекарданд иштирокчиёни тренинг. Мақсади асосии мо пешгирии аҳолии кишвар аз ин бемориҳои ВНМО/БПМН аст – зикр намуд Эраҷ Шарипов волонтёри фаъоли Кумита.

Аксияи мазкур муддати се рӯз дар кучаву хиёбонҳои шаҳри Душанбе аз ҷониби Кумитаи кор бо ҷавонон ва варзиш баргузор мегардад.