Бо мақсади расонидани муҳтавои мулоқоти Пешвои миллат бо намояндагони ҷомеаи кишвар, ки моҳи майи соли ҷорӣ сурат гирифта буд, масъулини Кумитаи кор бо ҷавонон ва варзиши мамлакат ба ноҳияи Дарвози ташриф оварданд.

Намояндагон ва ризокорони Клуби волонтёрони кумитаро дар ҷамоати Қалъаи Хумб мудири Бахши кор бо ҷавонон ва варзиш Талабшо Аламов, муовини раиси ноҳия Носирзода Умедҷон самимона пешвоз гирифтанд.

Зимни суҳбату вохӯрӣ бо сокинону ҷавонони фаъоли марказ асосан мавзӯъҳои аз даст надодани ҳушёрии сиёсӣ, содиқона ҳифз намудани дастовардҳои истиқлолияту ваҳдат, ҳимояи арзишҳои милливу аҷдодӣ, пешгирии чолишҳои замони муосир, фирефта шудани ҷавонон аз тарафи гурӯҳҳои террористиву экстримистӣ ва пайвастан ба сафи онҳо, роҳ надодан ба паҳншавии ВНМО/БПНМ муҳокима гаштанд.

Баъди аёдати ашхоси дорои имконияташ маҳдуд, масъулин ҳамчунин бо ҳайати шахсии сарбозону афсарони қисми ҳарбии 23441 – и Қушунҳои хушкигарди Вазорати мудофиаи Ҷумҳурии Тоҷикистон дар мавзеи Дашти Луч, қисми низомии 0409 – и Қушунҳои сарҳадии КДАМ ва аҳли ҷамоатчигии деҳаҳои Ҷорву Курговади ҷамоати Вишхарв мулоқот намуданд.

Машҳур ИМОМНАЗАРОВ, “ҶТ”