Дар асоси нақша-чорабиниҳои Кумитаи кор бо ҷавонон ва варзиши назди Ҳукумати кишвар дар ҳамбастагӣ бо Федератсияи футболи Точикистон тайи ду моҳ боз чемпионати Ҷумҳурии Тоҷикистон оид ба футбол байни наврасони синну соли то-15 сола баргузор шуда истодааст.

18 июн, маросими ҷамъбасти марҳилаи дуюми чемпионати мазкур дар минтақаи Кӯлоб байни наврасон баргузор гардид. Дар ҷамъбасти мусобиқа ҷойи 1- насиби дастаи “Равшан” -и Кӯлоб, ҷои 2- ум насиби дастаи “Шоҳин”-и ноҳияи Шамсиддин Шоҳин ва ҷои 3-юм насиби дастаи “Ҳулбук”-и ноҳияи Восеъ гардид.

Ғолибони мусобиқа бо медал, ифтихорнома ва туҳфаҳои таъсиснамудаи Бахши кор бо ҷавонон ва варзиши шаҳри Кӯлоб қадрдонӣ карда шуданд.

 Фирӯз АБДУРАҲМОНОВ, “ҶТ”