Дар маркази ноҳияи Ванҷ, ҷамоати Маҳмадулло Абдуллоев ба муносибати ҷашни Рӯзи Ваҳдати миллӣ ва "Соли рушди сайёҳӣ ва ҳунарҳои мардумӣ" мусобиқаи гӯштини миллӣ ва намоиши молу маҳсулот гузаронида шуд.

Дар мусобиқа 110 варзишгарони ҷамоатҳо ноҳия ширкату рақобат намуда, аксарияти онҳо даспарварони муассисаи давлатии мактаби варзишӣ буданд.

Барои ғолибон аз тарафи Бахши кор бо ҷавонон ва варзиши ноҳия ифтихорнома тақдим гашт.

Намоиш бошад дар боғи марказии Ванҷ доир шуда, сокинон беҳтарин намунаҳои ҳунарҳои аҷдодӣ, истеҳсолоти косибию дастиро пешкаш намуданд, ки писанди ҳамагон гардид.

Мавриди зикр аст, ки ҳамчунин ба ифтихори ҷашн дар маркази ноҳия се майдончаи варзишии бозиҳои кӯдакона мавриди баҳрабардорӣ қарор гирифтанд.

Машҳур ИМОМНАЗАРОВ, “ҶТ”