Бо мақсади дарёфти толибилмони болаёқат дар МТМУ № 12 ба номи Шириншоҳ Шоҳтемури ноҳияи Шуғнон озмуни степедияи президентӣ гузаронида шуд.

Тавре аз Бахши кор бо ҷавонон ва варзиши ноҳия хабар доданд, дар озмун беҳтарин толибилмони муассисаҳои таҳсилоти миёнаи умумии Шуғнон ширкат варзида, комиссияи махсус оид ба интихоби гирандагони стипендияи Президенти Ҷумҳурии Тоҷикистон хонандагони болаёқатро интихоб намуд.

Ҳамин тавр, аз байни довталабон Румия Мамадҳакимова, хонандаи МТМУ № 22 бо гирифтани 54 хол, Шаҳноза Шукруллоева аз МТМУ № 3 бо 49 хол ва Мамадёрбек Мамаднабиев, МТМУ № 23 бо 48 хол соҳиби унвони гирандагони стипендияи президентӣ гардиданд.

Гирандагони стипендияи раиси ноҳияи Шуғнон бошад, рӯзҳои наздик муаяйян карда мешаванд.

Машҳур ИМОМНАЗАРОВ, “ҶТ”