Дар доираи омодагиҳо ба ҷашни бузурги миллӣ 27-солагии Истиқлолияти давлатӣ дар тамоми манотиқи ҷумҳурӣ корҳои ободонӣ ва созандагӣ вусъати тоза касб кардаанд.

Дар ноҳияи Файзобод низ дар ин самт корҳои ободониву тозагӣ ба роҳ монда шудааст. Аз ҷумла, варзишгоҳи ноҳия, ки макони баргузории ҳама гуна чорабиниҳост, бо саъю кӯшиши ҷавонони маҳаллӣ ва варзишгарон тармим ва навсозӣ мегардад. Ҳамчунин, кӯчаҳои маркази ноҳия ва гирду атрофи биноҳои маъмурию истиқоматӣ тоза карда мешаванд.