Баҳри ба даст овардани Ҷоми Бахши кор бо ҷавонон ва варзиши ноҳияи Ишкошим байни шаш тими ҷавонони ноҳия мусобиқаи футбол гузаронида шуд.

Ба даври охири бозӣ ду дастаи маркази ноҳия “Рин 1” ва “Рин 2” роҳ ёфтанд. Баъди мусовӣ ба охир расидани бозӣ, дар зарбаҳои ёздаҳметра “Рин 1” ба дарвозаи тими рақиб се голи беҷавоб зад ва ҳисоб 3 : 0 гардид.

Ҳамин тавр, ҷои якум ва ҷомро дастаи “Рин 1” соҳиб гашт. Зинаи сеюм бошад насиби тими “Намадгут” шуд.

Ғолибонро масъулини бахш бо медал, ифтихорнома ва мукофотпулӣ қадрдонӣ намуданд.

Машҳур ИМОМНАЗАРОВ, “ҶТ”