Дар ҷамоати Рустамбеки Юсуфбеки ноҳияи Ишкошим бо ширкати раиси ноҳия Самадзода Зикрихудо ва 400 нафар ҷавонон чорабинии фарҳангӣ доир гардид.

Дар ин бора Гулнора Шердилова, мудири Бахши кор бо ҷавонон ва варзиши ноҳия хабар дода гуфт, ки чорабинӣ ба ифтихори 27 - умин солгарди Истиқлолияти давлатии Ҷумҳурии Тоҷикистон гузаронида шуда, дар он аз ҳафт ҷамоати ноҳия варзишгарон, ҳофизону ҳунармандон ва ҷавонон иштирок намуданд.

Зимни суханронии хеш раиси ноҳия Истиқлолияти давлатиро ганҷи бебаҳо арзёбӣ карда, баҳри ҳифзу пос доштани он аз ҳар як ҷавон ғайрати ҳамешагӣ тақозо намуд.

Баъдан аз тарафи ҳофизони ҷавон ва сарояндагони маъруфи ноҳия барномаи рангини консертӣ пешкаши тамошобинон гашт.

Машҳур ИМОМНАЗАРОВ, “ҶТ”