Дар назди Донишгоҳи давлатии шаҳри Қӯрғонтеппа ба номи Носири Хусрав, коллеҷҳои тиббӣ ва омӯзгорӣ дар шаҳри Бохтар буда, аз ҷониби сардори раёсати кор бо занон ва оилаи мақомоти иҷроияи ҳокимияти давлатии вилояти Хатлон оиди бегонапарастӣ, алалхусус пӯшидани либосҳои ба фарҳанги миллии мо бегона рейди муштарак гузаронида шуд.

Сипас, вобаста ба масъалаи мазкур дар Донишгоҳи давлатии шаҳри Қӯрғонтеппа ба номи Носири Хусрав бо иштироки омӯзгорон ва донишҷӯдухтарон суҳбату вохурӣ баргузор карда шуд, ки дар он муовини сардори раёсат иштирок ва суханрони намуданд.

Мавсуф дар ҳошияи гуфтаҳои хеш қайд намуданд, ки имрӯз вақти он расидааст, ки мо ҳама аҳли ҷомеа бояд баҳри пешгирии ин амали номатлуб, ки аз ҷониби баъзе донишҷӯдухтарон дар муассисаҳои таҳсилоти олӣ ва миёнаи касбӣ имрӯз дида мешавад, корҳои ташвиқотиву тарғиботиро ҷоннок намоем ва дар таҳкими фарҳанги миллӣ саҳмгузор бошем.

Фирӯз АБДУРАҲМОНОВ, "ҶТ"