Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамбастагӣ бо Телевизиони Тоҷикистон барномаи интеллектуалии “Шоҳмот” байни хонандагони фаъоли шаҳру ноҳияҳои кишвар идома дорад.

Дар бозии 33-юми барномаи интелеллектуалии “Шоҳмот”, ки санаи 20 сентябри соли равон доир гардид, дастаи “Пайравон”-и ноҳияи Данғара ва “Ояндасоз”-и ноҳияи Деваштич миёни ҳам сабқат намуданд. Дар натиҷа дастаи “Пайравон” бартарияти хеле зиёд нишон доданд ва барнома бо ғолибияти ин даста анҷом ёфт.

Бояд қайд намуд, ки ҳайати дастаи “Пайравон” -ро пурра волонтёрони клуби волонтёрони Бахши кор бо ҷавонон ва варзиши ноҳияи Данғара муаррифӣ намуданд.

Малоҳат ХОЛМУРОДОВА, “ҶТ”