Тибқи нақшаи тасдиқгардидаи мақомоти иҷроияи ҳокимияти давлатии шаҳри Кӯлоб оид ба риояи қоидаҳои эстетикӣ, тарзи либоспӯшӣ ва пешгирии бегонапарастӣ, манъи истифодаи ороишоти зоҳирӣ, аз қабили гӯшвораҳову дандонҳои тиллоӣ ва дастпонаҳо, дар ҳамаи ташкилоту муассисаҳо аз тарафи масъулин рейдҳо гузаронида шуда истодааст.

Чунин як санҷиши муштарак дар бозори “Саховат”-и шаҳр гузаронида шуд. Масъулин зимни санҷиш аз гузаргоҳҳои фурӯшандагон боздид ба амал оварда, бо шахсоне, ки либоси бегона ба бар доштанд, корҳои фаҳмондадиҳӣ анҷом доданд.

Гуфта шуд, ки ба бар намудани либосҳои бегона ин таъсири манфӣ ба фарҳанги миллӣ буда, дар ин самт бояд ҳамаи аҳли ҷомеа ҷиҳати таҳкими фарҳанги миллӣ масъулият эҳсос намоянд.