Масъулинии Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо ризокорон ва донишҷӯёни Вилояти Мухтори Кӯҳистони Бадахшон суҳбату вохӯриҳо намуданд.

Дар ин бора Дидоршоҳ Насриддинов, мудири Шуъбаи кор бо ҷавонони назди Донишгоҳи давлатии Хоруғ ба номи Моёншо Назаршоев хабар дода гуфт, ки мулоқот бо ширкати сардори Раёсати кор бо ҷавонони кумита Шаҳзод Раҳимов ва роҳбари маҳфили ризокорони кумита Саидҳусайн Юсуфов ва ҷавонони вилоят сурат гирифт.

Дар вохӯрӣ масоили пешбурди фаъолияти ризокорӣ дар ВМКБ, беш аз пеш ҷоннок кардани корҳои ифтихорию фаҳмондадиҳӣ, фаъол будан дар чорабиниҳои иҷтимоӣ - сиёсӣ, таъсиси гурӯҳҳои нав аз ҳисоби донишҷӯён, гузаронидани силсилавохӯриҳо бо толибилмони МТМУ ва дигар мавзуъҳои марбут баррасӣ шуданд.

Машҳур ИМОМНАЗАРОВ, “ҶТ”