Бо ташаббуси Кумитаи иҷроияи Ҳизби халқи демократии Тоҷикистон дар ноҳияи Шоҳмансур ба муносибати ба кор даромадани агрегати аввали Нерӯгоҳи барқи обии “Роғун” ва Рӯзи Парчам таҳти унвони “Тоҷикистон, Пешво, Парчам, Роғун” ҳамоиши ҷавонони ноҳия баргузор гардид.

Зимни ифтитоҳи ҳамоиши ҷавонон раиси Кумитаи иҷроияи ҲХДТ дар ноҳияи Шоҳмансур Зулфиқор Гулаҳмадзода иброз намуд, ки таҷлили Рӯзи Парчами давлатӣ барои баланд бардоштани ҳисси худшиносии миллӣ ва ифтихор доштан аз давлатдории навин мебошад.

Бо истифода додани чархаи аввали НБО “Роғун”, ки барои ҳар як фарди худшиносу худогоҳ мояи ифтихор аст, сатҳи зиндагии мардуми тоҷик беҳ гардида, таҳти роҳбарии Пешвои миллат муҳтарам Эмомалӣ Раҳмон мардуми Тоҷикистон ба зиндагии шоиста ноил мегардад.
Гуфта шуд, ки ҳадаф аз баргузории ҳамоиши мазкур арҷгузорӣ ба муқаддасоти миллӣ ва тарбия намудани ҷавонону наврасон дар рӯҳияи ватанпарастиву ватандӯстӣ мебошад.