Аз ҷониби Бахши кор бо ҷавонон ва варзиши шаҳри Ваҳдат дар толори Кохи Маърифати шаҳр бахшида ба Рӯзи Парчам чорабинии фарҳангиву фароғатӣ доир гардид.

Дар чорабинӣ доир ба нақши Парчами миллӣ дар таърихи башарият суханрониҳо сурат гирифта, ҷавонону волонтёрони фаъоли шаҳр доир ба ин муқаддасоти миллӣ шеърҳо қироат намуданд.

Дар охир аз ҷониби Азиззода Маъруфҷон, мудири Бахши кор бо ҷавонон ва варзиши шаҳр ба як қатор ҷавонону варзишгарони фаъол, ки Парчами кишварро дар мусобиқаҳои ҷумҳуриявию байналмилалӣ баланд бардоштаанд, ифтихорномаву сипосномаҳои бахш супорида шуд.

Наҷиба МУРОДБЕКОВА, “ҶТ”