Бахшида ба Рӯзи байналмилалии мубориза бар зидии бемории ВНМО/БПНМ дар шаҳри Истаравшан бо ташаббуси Бахши кор бо ҷавонон ва варзиши шаҳри Истаравшан чорабинии фарҳангию тарғиботӣ ташкил гардид.

Дар чорабинӣ 300 нафар ҷавонон иштирок намуданд, ки барои онҳо аз тарафи кормандони Бахши кор бо ҷавонон ва Маркази ташхисию табобатии мубориза бар зидии бемориҳои ВНМО ва БПНМ суханронӣ карда шуда, ба ҷавонон оид ба оқибатҳо ва бо кадом роҳҳо гузаштани ин беморӣ корҳои фаҳмондадиҳӣ бурда шуданд.

Баъд аз суханрониҳо бо иштироки фаъолон озмунҳо чиҳати беҳтарин рӯзномаи деворӣ ва беҳтарин донандаи ин беморӣ байни ҷавонон ташкил карда шуда,ба ғолибон туҳфаҳои хотиравӣ супорида шуданд.

Дар чорабинӣ хамзамон барномаи фарҳангӣ барои тамошобинон пешкаш карда шуд.

Шодмон НУРМАТОВ, “ҶТ”