Бахшида ба Рӯзи умумиҷаҳонии волонтёрон, ки ҳамасола 5 декабр дар саросари олам таҷлил мегардад, бо ташаббуси Бахши кор бо ҷавонон ва варзиши шаҳри Бӯстон бо иштироки волонтёрон чорабиниҳои иттилоотӣ гузаронида шуд.

Дар ду рӯз бо шиорҳои "Хайрхоҳӣ шараф аст, волонтёр мешавем!" ва дигар хитобаҳо волонтёрони шаҳри Бӯстон ба кӯчаҳо баромада, ба ҳамсолони ҷавони хеш варақаҳои иттилоотӣ тақдим намуда, оид ба моҳияти волонтёр будан ва саҳмгузорӣ дар рушди босуботи Ватан ибрози назар намуданд.

Ҷавонони шаҳр аз ин тадбири муҳим болида гардида, иддае аз онҳо хоҳиши худро баҳри волонтёр шудан изҳор доштанд.

Шодмон НУРМАТОВ, “ҶТ”