Бо фарогирии зиёда аз 150 нафар дар ноҳияи Ишкошим бо ташаббуси Бахши кор бо ҷавонон ва варзиши ноҳия мусобиқаи кушод оид ба намудҳои варзиши сабук байни ҷавонон гузаронида шуд.

Дар он ҷавондухтарону писарон аз рӯи давидан ба дарозии 100, 400, 1500 метру се километр, эстафета, ҷаҳидан ба баландӣ ва ғайра миёни ҳам рақобат намуданд.

Ба гуфтаи мудири бахш Гулнора Шердилова, ҳадаф аз баргузории мусобиқа таҳкиму тарғиби тарзи ҳаёти солим, рушди варзиши сабук миёни ҷавонону наврасон ва муттаҳид кардани онҳо мебошад.

 Дар охир ғолибон бо ифтихорномаю мукофот сарафроз гаштанд.

 Машҳур ИМОМНАЗАРОВ, “ҶТ”