Раёсати кор бо ҷавонон ва варзиши вилояти Суғд баҳри иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дастгирии раиси вилояти Суғд Раҷаббой Аҳмадзода, ҷиҳати татбиқи Қонуни Ҷумҳурии Тоҷикистон "Дар бораи ҷавонон ва сиёсати давлатии ҷавонон" ва иҷрои Қарори раиси вилоят аз 18 феврали соли 2016 таҳти рақами 101 "Дар бораи нақшаи чорабиниҳои рушди иҷтимоии ҷавонон барои солҳои 2016 - 2018 дар вилояти Суғд" санаи 26 декабри соли равон бо мақсади эҳё намудани анъана ва расму оинҳои миллӣ, омода намудани ҷавонон ба ҳаёти мустақилона, санҷидан, сайқал додани малакаи ҳаётии онҳо ва ҳавасмандгардонии ҷавонони бомаҳорат байни донишҷӯёни муассисаҳои таҳсилоти олӣ ва миёнаи касбии вилоят озмуни вилоятии "Дастони моҳир" - ро баргузор намуд.

Дар озмуни мазкур 6 даста аз муассисаҳои таҳсилоти олӣ ва миёнаи касбии вилоят иштирок намуда, маҳорати хешро аз рӯи ҳамаи намудҳои шарти озмун нишон доданд. Дар охир ғолибон бо тӯҳфа ва сипосномаҳои Раёсати кор бо ҷавонон ва варзиши вилоят қадрдонӣ карда шуданд.

Шодмон НУРМАТОВ, “ҶТ”